Search the site for people, papers and more:

                
Timor-Leste Studies
Home
About
Subscribe
Conferences
Conference Proceedings Occasional Seminars
Publications
Researchers
Archive
Contact





































 


Peskiza foun kona ba
Timor Leste

Konferensia TLSA nian

Kampus Liceu, Universidade Nasional Timor-Lorosae (UNTL), Avenida Cidade de Lisboa,

Dili, Timor-Leste, 29-30 Junhu 2017


Konferênsia durante loron rua ba peskizadores ne’e organiza husi Asosiasaun Estudus Timor-Leste ka Timor-Leste Studies Association (TLSA). Asosiasaun ne’e nudar rede internasional ida konaba investigasaun interdisiplinária nebe foka ba aspeitus investigasaun hotu-hotu iha sosiedade Timorense, inkluindu polítika, istória, ekonomia, komunikasaun, saúde, língua, agrikultura no siensia.

Iha konferênsia dala ida ne’e mos sei iha sesaun espesial nain rua, ida ho tema 'Eleksaun' ne'be Clinton Fernandes no Mica Barreto Soares sira mak konvoka no ida fali kona ba 'Peskiza kona ba generu iha Timor Leste' ne'be Sara Niner no Theresa Tam sira mak organisa.

Artigu sira nebe halo análize konaba relasaun Timor-Leste nian iha rejional no internasional no perspektivas Timor-oan sira nian konaba asuntus rejional no global mos tama hotu. Uma-na’in ba Konferênsia ho tema “Timor-Leste: Lokal, Rejional no Global” ne’e mak Universidade Nasional Timor-Lorosa’e (UNTL) hamutuk ho Universidade Teknolojia Swinburne (Swinburne University of Technology) no Universidade de Lisboa (Universidade de Lisboa). 


XAMADA BA ARTIGUS

Agora organizador sira halo xamada ba artigus nebe halo análize konaba aspeitus siensia sosiais, umanidades, sientífika relasiona ho Timor-Leste, no salienta partikularmente ba artigu sira neba maka halo análize konaba Timor-Leste iha rejiaun no internasional nia laran. Organizadores konferênsia nian simu artigu sira husi partes akadémiku, investigadores, aktivistas, grupus komunidade no sira nebe halo polítika (policy makers). Artigu sira nebe mak hetan revizaun sei iha posibilidade ba halo publikasaun. Sub-temas ba konferênsia ne’e sei inklui, maibe la limiti ba, tema sira hanesan tuir mai: 


LIAN KONFERENSIA

Artigus ba konferênsia bele hato’o iha lian Tetum, Portugues, Ingles no Bahasa Indonézia 


SUBMISAUN BA ABSTRATU

Halo favor haruka ita bo’ot sira nia proposta tomak ba artigus durante minutus 20 nian hamutuk nia abstratu iha Loron Sesta, 14 de Abril 2017 liu husi e-mai: tlsa2017@tlstudies.org


Artigu iha lian Tetum tenki haruka mos kopia ba: Antero da Silva, UNTL liu husi e-mail, anterob@gmail.com  

Artigu iha lian Portugues tenki haruka mos kopia ba: Nuno Canas Mendes, Universidade de Lisboa liu husi e-mail, ncm@iscsp.ulisboa.pt


Artigu iha lian Bahasa Indonézia tenki haruka mos kopia ba: Alarico da Costa Ximenes, UNTL liu husi e-mail
, alaricodacosta@rocketmail.com

Artigu sira kona ba 'Eleksaun' tenki haruka mos kopia ba Clinton Fernandes, University of New South Wales liu husi e-mail C.Fernandes@adfa.edu.au no tan Mica Barreto Soares, Swinburne University of Technology, barreto_mica@hotmail.com


Artigu sira kona ba 'Peskiza kona ba generu ha Timor Leste' tenke haruka mos kopia ba Sara Niner (Monash University)
sara.niner@monash.edu no Theresa Tam (UNTL) atam320@gmail.com>

REGISTRASAUN

Atu hatene liu kona ba registrasaun nia folin hira no oinsa atu selu, deskarga informasaun iha ne'e: informsaun ho format .pdf no informasaun ho format .doc

Diskuntu aplika ba sira ne'be hakarak mos atende ba konferensia 'Buka dalan atu atinji metas Desenvolvimentu Sustentavel', nebe organiza husi Universidade Vitória/Victoria University, Melbourne no UNTL nebe sei hala’o iha DIli iha loron 3-4 de Jullhu 2017

Ba partisipante husi rai liur: partisipante sira husi rai liur tenke haruka dokumentu registrasaun molok sesta-feira 16 Junhu 2017.
Partisipante sira husi rai liur bele selu registrasaun tuir dokumento registrasaun nian, ka selu iha fatin registrasaun iha Dili loron 29 de Junhu. (Favor ida hakerek 'Selu iha Dili' iha doukumento registrasaun se karik hanoin atu selu deit iha Dili).

Ba partisipante Timor oan: favor ida tau naran iha fatin registrasaun iha loron 29 de Junhu. Ita mos bele fo hatene uluk katak hanoin atu partisipa liu husi email ba Alarico da Costa Ximenes, UNTL. Email: alaricodacosta@rocketmail.com



AJUDA BA TIMOR OAN SIRA ATU PARTISIPA BA KONFERENSIA


Favor ida hare detailhas konaba rejistrasaun nian (bele hare online iha tempu badak ne’e) konaba diskontu espesial ba partisipante Timor-oan sira.

Back to Top

EVENTU SIRA NE'BE IHA RELASAUN HO KONFERENSIA TLSA

Tuir konferensia TLSA nian sei mosu tan konferensia ida ho tema 'Buka dalan atu atinji metas Desenvolvimentu Sustentavel', nebe organiza husi Universidade Vitória/Victoria University, Melbourne no UNTL nebe sei hala’o iha DIli iha loron 3-4 de Jullhu 2017. Atu hatene liu tan informasaun konaba konferênsia ne’e halo favor kontaktu Helen Hill: helen.hill@email.com


INFORMASAUN SELUK

Iha tempu badak ami sei fo sae
  informasaun liu tan kona ba registrasaun, hela fatin (alojamentu) no viajen.



Enquiries and comments about the Timor-Leste Studies Association may be directed to Michael Leach
This website was designed by Jenny Drysdale and Susana Barnes -- Photos on this website are by Dan Groshong

Follow us on: Follow TLStudies on Twitter

Back to Top