Search the site for people, papers and more:

                
Timor-Leste Studies
Home
About
Subscribe
Conferences
Conference Proceedings Occasional Seminars
Publications
Researchers
Archive
Contact





































 



Buka hatene Timor Leste: Konferensia 2019 TLSA nian
Liceu Campus, Universidade Nacional Timor Lorosa’e (UNTL),
Avenida Cidade de Lisboa, Dili, Timor-Leste, 27–28 Junhu 2019

English - Português - Bahasa Indonesia

 

Surat Vota Konsulta Popular nian       Foto husi Anna Voss, Indonesia Watch!

Konferensia loron rua ba peskizadores ne’e organiza husi Asosiasaun EstudusTimor-Leste ka  Timor-Leste Studies Association (TLSA). Asosiasaun ne’e nudar rede internasional ida konaba investigasaun interdisiplinária nebe foka ba aspeitus investigasaun hotu-hotu iha sosiedade Timorense, inkluindu polítika, istória, ekonomia, komunikasaun, saúde, língua, agrikultura no siensia.

Iha konferensia  tinan ida ne’e mos sei mosu sesaun espesial ha'at: primeiru ho tema '1999: Hafoin tinan 20 Liu Tiha' ne'ebe Clinton Fernandes no Mica Barreto Soares sira mak sei konvoka; segundu  mak 'Peskiza kona ba jéneru iha Timor Leste' ne'ebe sei konvoka husi Hannah Loney no Uka Pinto;  terseiru kona ba 'Agrikultura' ne'be Claudino Ninas Nabais no Robert Williams mak konvoka; no kuartu kona ba 'Deskolonisasaun ba Hanoin no Matenek'. Organizador sira sei konvida hatama proposta artigus ba sesaun espesial sira ne'e hotu.

Tinan 2019 marka aniversáriu ba tinan ruanulu hafoin konsulta popular istóriku ba ukun rasik a'an Timor-Leste  nian ne'ebe mos taka periodu naruk kolonialismu nian. Konferensia TLSA 2019 hanesan oportunidade ida atu halo reflesaun klean ba eventu sira 1999 nian. Sesaun espesial ne’e hakarak konvida kontribusaun artigu sira relasiona ho tinan 1999 nian.

Ami fo benvindu ba artigus kona ba 1999 nebe iha ligasaun ho: polítika, istória, kultura, ekonomia, solidariedade internasional, organizasaun rezistensia sira, estratejia militar, relasaun internasional sira, konsulta popular 30 fulan Agustu, forsa pas internasional nian, krime funu sira, direitus humanus, ralasaun sivil ho militar sira, no seluk tan.

Uma-na’in ba Konferensia 'Buka Hatene Timor Leste 2019 mak Universidade Nacional Timor-Lorosa’e (UNTL) hamutuk ho Universidade Teknolojia Swinburne (Swinburne University of Technology) no Universidade de Lisboa (Universidade de Lisboa).

TLSA hakarak hato'o obrigado wa'in ba Centro Nacional Chega! nia apoiu ba ami nia konferensia 2019 liu liu ba sesaun espesial ho tem: 1999: Hafoin tinan 20 liu tiha




BOLU HATAMA PROPOSTA BA ARTIGUS

Organizador sira bolu atu hatama artigus nebe halo análize konaba aspeitus siensia sosiais, umanidades, sientífika relasiona ho Timor-Leste. Organizadores konferensia  nian simu artigu sira husi partes akadémiku, investigadores, aktivistas, grupus komunidade no sira nebe halo polítika (policy makers). Artigu sira nebe mak hetan revizaun sei iha posibilidade ba halo publikasaun. Sub-temas ba konferensia ne’e sei inklui, maibe la limiti ba, tema sira hanesan tuir mai:

Sesaun espesial:
1999: Hafoin tinan ruanulu liu tiha
Peskiza kona ba generu iha Timor Leste
Agrikultura
Deskolonisasaun ba hanoin no matenek

Sub-tematika sira
•    Antropolojia no Arkeolojia
•    Dezenvolvimentu komuniatriu
•    Kultura no Sosiedade
•    Perspektiva Timoroan sira nian kona ba asuntu rejional no global
•    Ekonomia, Negósiu, no Komérsiu
•    Edukasaun
•    Saúde
•    Istória no Património
•    Direitus Umanus
•    Língua no Linguistika
•    Hari’i dame / peace keeping
•    Politika no Relasaun Internasional sira
•    Meiu Ambientu no rekursu naturais
•    Polítika Dezenvolvimentu
•    Asisténsia Dezenvolvimentu Internasional
•    Anti-Korupsaun

LIAN KONFERENSIA

Artigus ba konferênsia bele hato’o iha lian Tetum, Portugues, Ingles no Bahasa Indonézia 


SUBMISAUN BA ABSTRATU

Halo favor haruka proposta abstratu ba artigus ne’be minutus 20 nian hamutuk abstratu iha Loron Sesta, 29 Marsu 2019 liu husi e-mai: tlsa2019@tlstudies.org

Proposta sira tenke inklui
Naran
Insitusaun/afiliasaun
Titulu
Abstratu (lian 150)
Lingua
Tematika

It mos bele haruka proposta ba panel oras 1 ho balu nian ne’be inklui artigus tolu. Favor ida inklui proposta sira ba artigu tolu hotu hamutuk ho proposta panel no abstratu panel nian.

Artigu iha lian Tetum tenki haruka mos kopia ba: Dulce Martins no Leo Soares (UNTL) liu husi e-mail: dasilvamartinsdulce@gmail.com 

Artigu iha lian Portugues tenki haruka mos kopia ba: Nuno Canas Mendes, Universidade de Lisboa liu husi e-mail, ncm@iscsp.ulisboa.pt

Artigu iha lian Indonézia tenki haruka mos kopia ba: Alarico da Costa Ximenes, UNTL liu husi e-mail, alaricodacosta@rocketmail.com


REGISTRASAUN

Atu hatene liu kona ba registrasaun nia folin hira no oinsa atu selu, deskarga informasaun iha ne'e: informsaun ho format .pdf no informasaun ho format .doc

Diskuntu aplika ba sira ne'be hakarak mos atende ba konferensia 'Buka Involve Joventude Iha Desenvolvimentu Sustentavel', nebe organiza husi Universidade Vitória/Victoria University, Melbourne no UNTL nebe sei hala’o iha DIli iha loron 1-2 de Jullhu.

Ba partisipante husi rai liur: partisipante sira husi rai liur tenke haruka dokumentu registrasaun molok sesta-feira 7 Junhu 2019. Partisipante sira husi rai liur bele selu iha fatin registrasaun iha Dili loron 27 de Junhu (Favor ida hakerek 'Selu iha Dili' iha doukumento registrasaun se karik hanoin atu selu deit iha Dili) ka uza link tuir mai iha Eventbrite hodi selu ho karta kreditu:
https://www.eventbrite.com/e/understanding-timor-leste-2019-tlsa-research-conference-tickets-61136297311


Ba partisipante Timor oan: favor ida tau naran iha fatin registrasaun iha loron 27 de Junhu. Ita mos bele fo hatene uluk katak hanoin atu partisipa liu husi email ba Dulce Martins da Silva, UNTL, Email: dasilvamartinsdulce at gmail.com


AJUDA BA TIMOR OAN SIRA ATU PARTISIPA BA KONFERENSIA


Favor ida hare detalhes rejistrasaun nian (online iha tempu badak ne’e) konaba diskontu espesial ba partisipante Timor-oan sira.

Back to Top

EVENTU SIRA NE'BE IHA RELASAUN HO KONFERENSIA TLSA

Hatuir konferensia TLSA 2019 nian sei mosu tan konferensia ida ne’be organiza husi Universidade Vitória/Victoria University, Melbourne no UNTL nebe sei hala’o iha DIli iha loron 1-2 de Julhu 2019. Atu hatene liu tan informasaun konaba konferensia  ne’e halo favor kontaktu Helen Hill:helen.hill@email.com ka loke website Konferensia UNTL/Victoria University nian:

https://www.vu.edu.au/about-vu/community-partnerships-engagement/vu-and-timor-leste/timor-leste-conference

Konferênsia  rua ne’e liga malu no partisipante sira ba konferensia rua bele hetan deskontu ba rejistrasaun.

Iha fin de semana entre konferênsia rua ne'e (loron Sabadu 29 no Domingu 30 junhu)  sei aprezenta eventu espesial balun iha Dili. Detalhes sei publika online iha tempu badak.


INFORMASAUN SELUK Informasaun seluk tan sei publika online iha tempu badak.



Enquiries and comments about the Timor-Leste Studies Association may be directed to Michael Leach
This website was designed by Jenny Drysdale and Susana Barnes -- Photos on this website are by Dan Groshong

Follow us on: Follow TLStudies on Twitter

Back to Top