Peskiza Foun kona ba Timor Leste
Konferénsia Peskiza TLSA 2023 nian
Universidade Nasional Timor-Lorosae (UNTL)
Avenida Cidade de Lisboa, Dili, Timor-Leste
12-14 Julhu 2023
Rejistrasaun loke tiha ona! Click iha ne’e hodi registra ba konferensia.
Konferénsia durante loron tolu ba peskizador/a sira ne’e organiza husi Asosiasaun Estudus konaba Timor-Leste ka Timor-Leste Studies Association (TLSA). Asosiasaun ne’e nudar rede internasional ida konaba investigasaun interdisiplinária nebe foka ba aspeitus investigasaun hotu-hotu iha sosiedade Timorense, inkluindu polítika, istória, ekonomia, komunikasaun, saúde, língua, agrikultura no siensia.
Konferénsia TLSA tinan ida ne’e sei iha mos sesaun espesial balu hanesan: Dezenvolvimentu Ekonomia ne’ebe sei konvoka husi Guteriano Neves; Peskiza konaba Jéneru iha Timor-Leste sei konvoka husi Sara Niner; Direitus Umanus no Demokratizasaun sei konvoka husi Bernardo Leto; Isu sira liga ho LGBTIQ+ iha Timor-Leste ne’ebe sei konvoka husi Li-Li Chen; Deskoloniza Estudus Timor-Leste sei konvoka husi Kisho Tsuchiya; no Istória Rezistensia ne’ebe sei konvoka husi Clinton Fernandes.
Uma na’in ba konferénsia Peskiza Foun konaba Timor-Leste 2023 ne’e mak Universidade Nasional Timor Lorosa’e (UNTL), Swinburne University of Technology, no Instituto de História Contemporânea, Universidade Nova de Lisboa.
Konferénsia TLSA 2023 ne’e hetan suporta generozamente husi Association for Asian Studies (AAS), Swedish International Development Cooperation Agency (SIDA) no Centro Nacional Chega!.
XAMADA BA ARTIGUS
Agora organizador sira halo xamada ba artigus nebe halo análize konaba aspeitus siensia sosiais, umanidades, sientífika relasiona ho Timor-Leste, no salienta partikularmente ba artigu sira neba maka halo análize konaba Timor-Leste iha rejiaun no internasional nia laran. Organizadores konferênsia nian simu artigu sira husi partes akadémiku, investigadores, aktivistas, grupus komunidade no sira nebe halo polítika (policy makers). Artigu sira nebe mak hetan revizaun sei iha posibilidade ba halo publikasaun. Sub-temas ba konferênsia ne’e sei inklui, maibe la limiti ba, tema sira hanesan tuir mai:
Sesaun espesiál
- Dezenvolvimentu Ekonomia,
- Peskiza konaba Jéneru iha Timor-Leste
- Direitus Umanus no Demokratizasaun
- LGBTIQ+ iha Timor-Leste
- Deskoloniza Estudus Timor-Leste
- Istória Rezisténsia
Sesaun jerál
- Agrikultura
- Antropolojia no Arkeolojia Dezenvolvimentu Komunitária
- Kultura no Sosiedade
- Perspektivas Timor-oan sira konaba Isu Global no Rejionál
- Ekonomika, Bisnis no Komérsiu Edukasaun
- Saúde
- Istória no Patrimóniu
- Direitus Umanu
- Língua no Linguístika
- Harii Dame/Peace-building
- Polítika no Relasoens Internasionál Jestaun Rekursu
- Timor-Leste nia Relasoens Rejionál no Internasionál
LIAN KONFERENSIA
Artigus ba konferénsia bele hato’o iha lian Tetun, Portugues, Ingles no Bahasa Indonézia
SUMÁRIU/ABSTRACT NO PROPOSTAS BA PAINEL
Bele haruka ita bo’ot sira nia propostas sumáriu/abstract ba artigus 20 minutus nian ho lia-fuan 150 iha Loron Sexta, 28 Abril 2023, ba: tlsa2023conference@gmail.com
Propostas sira ne’e tenke inklui:
- Naran:
- Email:
- Afiliasaun:
- Titlu Artigu:
- Sumariu/Abstract 150 palavras:
- Lingua(s):
- Tema:
Ita boot sira mos bele propoin painel oras ida ho balun (1.5) ba artigus 3. Favor ida inklui informasaun sira iha leten konaba naran, afilisaun no seluk tan iha kada artigu nunemos titlu painel nian no sumariu ka abstract.
Artigu iha lian Tetun tenki haruka mos ba: Dra Mica Barreto Soares liu husi e-mail, barreto_mica@hotmail.com
Artigu iha lian Portugues tenki haruka mos kopia ba: Dra Zélia Pereira zeliacruzpereira@gmail.com
Artigu iha lian Bahasa Indonézia tenki haruka mos kopia ba: Dra Mica Barreto Soares, liu husi: barreto_mica@hormail.com
OPSAUN BA MODERADOR/A
Favor ida indika se ita boot hakarak sai moderador/a iha konferensia ne’e: SIN ou Naun
DETAILHAS BA REJISTRASAUN
Rejistrasaun loke tiha ona! Click iha ne’e hodi registra ba konferensia.
Bele hare detailhas konaba rejistrasaun konaba diskontu espesial ba partisipante Timor-oan sira.
Timor-Leste Studies Association 